Lög  Skotfélags Grundarfjarðar

1. Kafli  Heiti félagsins og markmið

1.1    Félagið heitir Skotfélag Grundarfjarðar og nágrennis.  Skammstafað Skotgrund.

      1.2  Aðsetur félagsins og æfingasvæði er í Hrafnkellsstaðarbotni í Kolgrafarfirði.

      1.3  Stefna félagsins er að vera aðili að HSH, ÍSÍ og Skotsambandi Íslands.

1.4  Stefna félagsins er m.a að;

a)      Útvega húsnæði fyrir félagsfundi.

b)      Skapa félögum aðstöðu til skotæfinga.

c)      Stuðla að fræðslu um málefni er snerta skotfimi og skotvopn.

d)      Eiga samvinnu við önnur íþrótta- og skotfélög.

2. Kafli

2.1    Félagsmenn verða allir að játast undir lög og siðareglur félagsins.

2.2    Félagi nýtur fullra réttinda þegar hann hefur greitt árgjald sitt.

2.3    Árgjald félagsmanna skal ákveða á aðalfundi.

2.4    Gerist félagsmaður brotlegur við lög félagsins eða siðareglur, getur stjórn félagsins veitt honum áminningu eða vikið honum úr félaginu. Skal hún tilkynna honum skriflega um úrskurð sinn og geta ástæðna hans.  Fallist viðkomandi ekki á málsmeðferð stjórnar þá getur hann skotið máli sínu fyirir aðalfund sem fellir endanlegan úrskurð.  

2.5    Félagsmaður sem ekki greiðir árgjald fyrirgerir rétti sínum.

Ef félagsmaður hefur ekki greitt árgjald í lok starfsárs skal hann strikaður út af félagsskrá.

2.6    Félagsmaður sem skuldar vallargjöld eða önnur gjöld vegna skotæfinga í lok starfsárs, fyrirgerir rétti sínum og nýtur ekki fullra réttinda á æfingasvæði.

2.7    Enginn félagsmaður ber ábyrgð á skuldbindingum félagsins eða eignum þó hann hverfi úr félaginu.

2.8    Enginn félagsmaður á tilkall til hluta af sjóðum félagsins eða eignum þess þó hann hverfi úr félaginu.

3. Kafli 

3.1    Stjórn félagsins skal skipuð sex mönnum;  formanni, ritara, gjaldkera og þremur meðstjórnendum. Formaður skal kjörinn sérstaklega, en að öðru leiti skiptir stjórn með sér verkum.

3.2    Stjórn félagsins og formaður skulu kjörin til eins árs í senn.

3.3    Stjórnarkjör skal fara fram á aðalfundi og skal kosning vera skrifleg nema meirihluti fundarmanna samþykki annað.

3.4    Stjórn félagsins ræður málefnum þess á milli aðalfunda og ber ábyrgð á fjárreiðum þess.

3.5    Stefna félagsins er að standa fyrir fræðslu og skotvopnanámskeiðum í samstarfi við Sýslumann Snæfellinga.

3.6    Skotsvæði skal vera lokað meðan á smölun stendur í Eyrarsveit og skal skilti komið fyrir við skotsvæði með upplýsingum um slíkar tímabundnar lokanir.

3.7    Gerðir stjórnarinnar skulu bókaðar.

4. Kafli

4.1    Aðalfundur hefur æðsta vald í málefnum félagsins.

4.2   Aðalfund skal halda í janúar ár hvert. Til hans skal boðað með auglýsingu á áberandi stað með minnst tveggja vikna fyrirvara.

4.3    Þessi mál skulu tekin fyrir á aðalfundi,

a)      Skýrsla stjórnar um starfsemi félagsins á liðnu ári.

b)      Ársreikningur og árgjald ákveðið.

c)      Kosning formanns, stjórnar og skoðendur reikninga.

d)      Önnur mál.

4.4    Lögum félagsins verður aðeins breitt á löglegum aðalfundi. Tillögur um lagabreytingar skulu hafa borist stjórn félagsins minnst viku fyrir aðalfund. Breytingartillögum skal dreift á meðal fundarmanna og skal greitt atkvæði um þær undir liðnum, önnur mál.

4.5    Aðalfundur er lögmætur sé löglega til hans boðað.